Алтан цомын барилдаанд хамгийн олон даваа авсан Улсын начин Д.Хүдэрбулга цахим хуудсаараа дамжуулан сэтгэгдлээ илэрхийлжээ. Тэрбээр "Монголын Үндэсний Бөхийн холбоо, "Premier sport network” телевиз хамтран зохион байгуулсан Үндэсний "Pepsi АЛТАН ЦОМ"-ын төлөөх барилдаанд нийт 45 барилдаан хийж 39 даваа авсан амжилтыг минь мялааж Төв аймгийн үндэсний бөхийн холбоо, Дүнжингарав дэвжээнээс 2 өрөө байраар шагналаа. Намайг үргэлж дэмждэг Аав, ээж, эгч, хамаатан садан, нутгийн зон олон, "Заамар өгөөмөр хайрхан" ХХК, "Дорнын өртөө" ХХК, Сүлд спорт хороо, Дүнжингарав дэвжээний хамт олон, үргэлж ар талыг минь дааж байдаг ханьдаа маш их баярлалаа. Та бүхнийхээ итгэлийг алдахгүй улам хичээх болно" гэжээ.