“ЖИ ТАЙМ”-ЫН 11.398 ХОХИРОГЧТОЙ ШҮҮХ ХУРАЛДААНЫГ ШУУД ДАМЖУУЛНА
urug.mnСэтгүүлч: У.УРАНЦЭЦЭГ
НИЙГЭМ 1 долоо хоног, 1 өдөр өмнө

urug.mn

urug.mn image

“ЖИ ТАЙМ”  гэх сүлжээний хэргийн гэм буруугийн шүүх хуралдаан 2020 оны долдугаар сарын 02-ны өдрийн 09.00 цагт товлогдсон. Хохирогчдын нэрсийн жагсаалт, шүүх хуралдааны товыг  Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн цахим сайт болон тус шүүхийн пэйж  хуудсаар дамжуулсан юм. Нийслэлийн прокурорын газраас 2015 оны   Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь заалтад заасан  /Залилах /  гэмт хэрэгт  яллах дүгнэлт үйлдэж ирүүлсэн шүүгдэгч Э.Оюунчимэгт холбогдох эрүүгийн хэргийг Баянгол  дүүргийн эрүүгийн хэргийн анхан шатны шүүх  2020 оны 5 дугаар сарын 13-ны өдөр хүлээн авсан. Улмаар  2020 оны 6 дугаар сарын 23-ны өдрийн урьдчилсан хэлэлцүүлгийн шүүх хуралдаанд шүүгдэгчийн өмгөөлөгч Ч.Шаравнямбуу, шүүгдэгч  Э.Оюунчимэг нараас  гаргасан хүсэлтийг хэлэлцэхгүй орхиж,  анхан шатны шүүх хуралдаанаар уг  хүсэлтийг шийдвэрлэхээр болжээ.

“Жи тайм  корпоррейшн” ХХК нь 11.398 иргэнд 25.801.303.770 төгрөгийн хохирол учруулсан байх бөгөөд уг  хэрэг нь 586 хавтастай 11,398  хохирогчтой тул шүүх хуралдааны танхимд хохирогчдыг бүрэн оролцуулах боломжгүй байгаа талаар шүүхээс мэдээлж байна.

0 сэтгэгдэл


Одоогоор сэтгэгдэл алга байна