Г.АНАР-ЭРДЭНЭ: ГАЛ ТҮЙМЭР ТАВИХАД 1-12 ЖИЛИЙН ХОРИХ ЯЛТАЙ
urug.mn Сэтгүүлч: У.УРАНЦЭЦЭГ
НИЙГЭМ 1 долоо хоног, 1 өдөр өмнө

urug.mn

urug.mn image

Санаатай болон санамсар болгоомжгүйгээр гал түймэр тавьсан бол ямар хариуцлага хүлээлгэх талаар Экологийн цагдаагийн албаны урьдчилан сэргийлэх хамтын ажиллагааны хэлтсийн мэргэжилтэн, цагдаагийн дэд ахлагч Г.Анар-Эрдэнээс тодруулга авлаа.

-Сүүлийн сар Нийслэл хотод болон орон нутгуудад хуурайшилттай холбоотойгоор гал түймэр ихээхэн гарлаа. Гал түймрийн улмаас улс оронд ямар хэмжээний хохирол учирсан бэ?

-Он гарснаас хойш Улаанбаатар хотын ногоон бүсэд гал түймрийн 200 гаруй дуудлага мэдээлэл Нийслэлийн Онцгой байдлын газарт ирсэн байна. Үүнээс шар өвс шатааж байгаа гал алдаж 56 газарт ой хээрийн түймэр их бага хэмжээгээр гарсан байна. Аймаг, орон нутгийн хэмжээнд есөн аймгийн 21 суманд 23 удаагийн ой, хээрийн гал түймэр гарсан бөгөөд дээрх түймрийн улмаас 54.018 га талбай, гурван айлын өвөлжөө шатаж, нэг хүн нас барсан.

Энэ нь өнгөрсөн оны мөн үеийнхтэй харьцуулахад ой, хээрийн гал түймрийн хохирлын хэмжээ 41.5 хувиар өссөн үзүүлэлттэй байна. Жишээ дурдвал: Нийслэлийн хэмжээнд Хан-Уул дүүргийн нутаг дэвсгэрт хамаарах Арцатын ам долоон га, Архангай аймгийн Эрдэнэмандал сумын “Онгоны ам”, Баянхонгор аймгийн Галуут, Эрдэнэцогт сумын ямаат багийн “Хашаат” гэх газарт найман га талбай шатсан. Дээрх газруудад тухайн орон нутгийн экологийн асуудал хариуцсан албан хаагч, онцгой байдлын алба, орон нутгийн иргэд өөрийн санаачлагчаар гал унтраах ажилд оролцож байна.

Монгол Улсын Эрүүгийн хуулийн 24.7 дугаар зүйл “Ой хээрийн түймэр тавих” гэмт хэргийг хуульчилж өгсөн байдаг. Дээрх хуульд гэм буруугийн хэлбэр, хохирлын хэмжээг харгалзан 1-12 жилээр хорих ял шийтгэхийн зэрэгцээ байгаль экологид учирсан хохирлыг нөхөн төлүүлэхээр хуульчилсан. Иймд хуурайшилтын үе буюу зургаадугаар сарын 10-ны өдөр хүртэл ногоон бүсэд зорчихдоо ил задгай гал түлэхгүй байх, асаасан гал, чүдэнз, тамхины галыг бүрэн унтраах, халуун үнс нурмыг ил задгай асгахгүй байж ой, хээрийн түймрээс урьдчилан сэргийлэхийг Экологийн цагдаагийн албанаас нийт ард иргэддээ анхааруулж байна.

0 сэтгэгдэл


Одоогоор сэтгэгдэл алга байна