Б.МӨНХБААТАР: ӨНӨӨДРӨӨС БАНКУУД ИПОТЕКИЙН ЗУРГААН ХУВИЙН  ЗЭЭЛ ӨГЧ ЭХЭЛНЭ
urug.mnСэтгүүлч: Urug.mn
УЛС ТӨР 2 долоо хоног өмнө

urug.mn

urug.mn image

УИХ-ын чуулганы нэгдсэн хуралдаанаар 2021 оны төсвийн төсөл болон хамт өргөн мэдүүлсэн төслүүдийг хэлэлцэж байна. Хэлэлцэж байгаа асуудалтай холбогдуулан УИХ-ын гишүүн М.Оюунчимэг ипотекийн зээлийн хүүг зургаан хувь болгох асуудал юу болсон талаар Барилга хот байгуулалтын сайд Б.Мөнхбаатараас асуулаа.

Барилга хот байгуулалтын сайд Б.Мөнхбаатар, “Засгийн газрын мөрийн хөтөлбөрт ипотекийн зээлийг зургаан хувь болгох асуудал тусгасан. Ингээд сар гаруйн хугацаанд Засгийн газар, Монголбанк, арилжааны банкууд хамтран зургаан хувь болгох асуудлыг хэлэлцээд, өнөөдрөөс эхлээд банкууд зургаан хувийн ипотекийн зээлийг өгч эхэлж байгаа. Өрхийн дундаж орлого нь 1.5 сая байж ипотекийн зээлд хамрагдах боломжтой болж байгаа. Тэгэхээр хүмүүс 30 хувиа өгөөд ипотекийн зээлд хамаргдаж чаддаггүй байсан бол зургаан хувь болгосноор өрхийн орлого нь сая гаруй төгрөг байж хамрагдах боломжтой болж байна. Монголбанк 50, арилжааны банкууд 40 тэрбум төгрөг гаргаад өнөөдрөөс эхлээд зургаан хувийн хүүтэй ипотекийн зээл олгож эхэлсэн” гэлээ.

0 сэтгэгдэл


Одоогоор сэтгэгдэл алга байна