22 САЯ ЕВРОГИЙН ТУСЛАМЖИЙГ ГЕРМАНЫ ТАЛААС ОЛГОХООР БОЛЛОО
urug.mnСэтгүүлч: Urug.mn
НИЙГЭМ 2 долоо хоног өмнө

urug.mn

urug.mn image

Монгол Улсын Засгийн газар, Холбооны Бүгд Найрамдах Герман Улсын Засгийн газар хоорондын Хөгжлийн бодлогын хамтын ажиллагааны хэлэлцээр энэ сарын 18, 19-ний өдрүүдэд Улаанбаатар, Берлин хотуудад цахим хэлбэрээр боллоо.

Монгол Улсын хувьд хүний хөгжлийн индекс сайжирч бага-дунд орлоготой орнуудын эгнээнд шилжсэн тул Холбооны Бүгд Найрамдах Герман Улс албан ёсны хөгжлийн хамтын ажиллагаагаа зайлшгүй туслалцаа шаардлагатай байгаа бусад улс орнууд руу чиглүүлэхээр болсноо мэдэгдэв.

Ингэснээр хамтран хэрэгжүүлж буй төсөл, хөтөлбөрүүдээ 2025 он хүртэл хэрэгжүүлэн дуусгаж 30 орчим жил үргэлжилсэн Монгол-Германы албан ёсны хөгжлийн хамтын ажиллагаа өндөрлөх юм. Цаашид иргэний нийгэм, хувийн хэвшлийн хөгжлийг дэмжих зэрэг хоёр орны нийтлэг ашиг сонирхолд нийцсэн салбаруудад хамтын ажиллагаа тогтвортой үргэлжилнэ.

Хоёр орны холбогдох яамд, агентлагууд оролцсон тус хэлэлцээний үр дүнд хөгжлийн бодлогын хамтын ажиллагааны тэргүүлэх чиглэлүүд болох эдийн засгийн тогтвортой хөгжлийг хангах, эрчим хүчний үр ашгийг нэмэгдүүлэх, биологийн олон янз байдлыг хамгаалах төслүүдэд 22 сая еврогийн тусламжийг германы талаас олгохоор тохиролцон протоколд монголын талаас Сангийн яамны Төрийн нарийн бичгийн дарга С.Наранцогт, Германы талаас Холбооны Эдийн засгийн хамтын ажиллагаа, хөгжлийн яамны Азийн бүс нутгийг хариуцсан захирал, хатагтай Хаммершмидт нар гарын үсэг зурлаа.

0 сэтгэгдэл


Одоогоор сэтгэгдэл алга байна