МҮОНРТ-ийн Ерөнхий захирал Л.Нинжжамц өөрийн хүсэлтээр ажлаа өгснөөр дараагийн томилогдох хүмүүсийн нэрс яригдаж эхэлсэн. Нэг сарын өмнө тухайн телевизээс Ерөнхий захирлын албан тушаалд нээлттэй сонгон шалгаруулалтыг зарласан байдаг.

Улс орон даяар гамшгаас хамгаалах бүх нийтийн өндөржүүлсэн бэлэн байдал зарласантай холбоотойгоор уг сонгон шалгаруулалтын хугацааг 14 хоногоор сунгажээ. Ажилчдын эсэргүүцэлтэй тулгаж өөрийн хүсэлтээр ажлаа өгсөн Л.Нинжамц дахин хүчээ үзэхээр хүсэлт хүргүүлээд байгаа аж.

Нээлттэй сонгон шалгаруулалтад оролцож Ерөнхий захирлын албан тушаалд горилж буй хүмүүсийн нэрсийг эх сурвалжаас тодруулан хүргэж байна.

1. МҮОНРТ-ийн Ерөнхий захирал асан Л.Нинжжамц

2.  МҮОНТ-ийн дэд захирал Г.Гэрэл

3.  Саунд Монголиа компанийн гүйцэтгэх захирал М.Уянга

4. МҮОНТ-ийн сэтгүүлч Г.Агааноров

5. ММ агентлагийн захирал асан Р.Гандиймаа

6. ММ агентлагийн редактор асан А.Энхтуул

7. Одоогийн ҮЗ-ийн гишүүн Д.Оюун-Эрдэнэ

8. Үндэсний брэндийн ажлын албаны дарга Н.Дэмбэрэл

9. Сэтгүүлч С.Баярмөнх

10. ММ агентлагийн хөтлөгч Г.Чоглоонамжил

11. ТВ5 захирал асан, сэтгүүлч Э.Дагиймаа

12. МҮОНРТ-ийн Ерөнхий захирал асан М.Наранбаатар

13. Сэтгүүлч Б.Цондовдорж

14. Сэтгүүлч А.Бүрэнбаатар

15. Плэй бой сэтгүүлийн эрхлэгч Н.Болормаа

16. Нэвтрүүлэгч Ш.Бямбацогт

17. Сэтгүүлч М.Амарбаяр нар  тус тус нэрээ дэвшүүлэхээр болжээ.

ШАЛГУУР:

-Дээд боловсролтой, Магистр болон түүнээс дээш зэрэгтэй байх,

-Ял шийтгэлгүй байх,

-Улс төрийн аль нэг намын гишүүн бус байх,

-Хэвлэл, мэдээллийн салбар болон түүнтэй адилтгах чиглэлээр 10-аас доошгүй жил ажилласан, удирдах ажлын таваас доошгүй жилийн дадлага, туршлагатай байх,

-НҮБ-ын албан ёсны нэгээс доошгүй хэлээр мэдээлэл авах, ярианы болон бичгийн дундаж болон түүнээс дээш мэдлэг чадвартай байх,

-Байгууллагын санхүүгийн үйл ажиллагаа, эрсдэлийн удирдлага, эрх зүйн чиглэлээр зохих мэдлэг, дадлага туршлагатай байх,

-ОНРТ-ийг хөгжүүлэх, нэвтрүүлэг, контентын бодлого, чанар, үр нөлөөг сайжруулах, менежмент, техник, технологийн шинэчлэлийн бодлогыг боловсронгуй болгох, хүний нөөцийн зохистой бодлого хэрэгжүүлэх мөрийн хөтөлбөр дэвшүүлсэн байх,

-''Хөдөлмөрийн тухай” Монгол Улсын хуулийн холбогдох заалтуудад заасан хөдөлмөрийн сахилгын ноцтой зөрчил гаргаж байгаагүй байх гэжээ. Нийт оролцогчдоос ҮЗ-өөс гаргасан журмын дагуу хоёр хүн сүүлийн шатанд оролцох юм байна.