БНСУ-Д АЖИЛЛАЖ, АМЬДАРЧ БУЙ МОНГОЛ ИРГЭДЭД НУТАГ БУЦАХАД НЬ ДЭМЖЛЭГ ҮЗҮҮЛНЭ
urug.mnСэтгүүлч:
УЛС ТӨР 1 долоо хоног, 2 өдөр өмнө

urug.mn

urug.mn image

Гадаад харилцааны сайд Б.Батцэцэг Бүгд Найрамдах Солонгос Улсаас Монгол Улсад суугаа Элчин сайд Ли Ё Хун-ыг өчигдөр хүлээн авч уулзлаа.

Уулзалтын үеэр цар тахлын хүнд цаг үед БНСУ-д ажиллаж, амьдарч буй монгол иргэдэд дэмжлэг туслалцаа үзүүлж, нутаг буцах хүсэлтэй иргэдийг татан авах, тусгай үүргийн нислэг үйлдэхэд харилцан дэмжлэг үзүүлж ирснийг талууд тэмдэглэж, энэ чиглэлд үргэлжлүүлэн хамтран ажиллахаар болжээ.

Мөн Монгол Улс, БНСУ-ын “Иж бүрэн түншлэл”-ийн харилцааг “Стратегийн түншлэл”-ийн түвшинд хүргэх, цар тахлын нөхцөл байдал намжмагц дээд, өндөр түвшний харилцан айлчлалыг хэрэгжүүлэх, хоёр талын хамтын ажиллагааг бүхий л салбарт эрчимжүүлэх талаар ярилцсан байна.

Түүнчлэн олон улс, бүс нутгийн тавцанд хамтын ажиллагааг гүнзгийрүүлж, нэн ялангуяа Зүүн хойд Азийн бүс нутгийн энх тайван, аюулгүй байдлыг хангах чиглэлд үргэлжлүүлэн хамтран ажиллахаар тохирсон гэж ГХЯ-наас мэдээллээ.

0 сэтгэгдэл


Одоогоор сэтгэгдэл алга байна