ШЕЗ-ӨӨС БИЧЛЭГТ ГАРГАН ШҮҮГЧ НАРТАЙ ХОЛБООТОЙ МЭДЭГДЭЛ ГАРГАЖЭЭ
urug.mnСэтгүүлч:
НИЙГЭМ 4 өдөр, 18 цаг өмнө

urug.mn

urug.mn image

Цахим орчинд нэр бүхий шүүгч, АТГ-ын ажилтнуудын бичлэг цацагдсан. Эл асуудлын талаар ШЕЗ-өөс мэдэгдэл гаргажээ. Энэхүү мэдэгдлийг бүрэн эхээр нь хүргэе. 

Мэдэгдэл

Сүүлийн үед хэвлэл мэдээллийн хэрэгсэл, олон нийтийн цахим сүлжээгээр нэр бүхий шүүгч, хуулийн байгууллагын ажилтнуудтай холбоотой дүрс бичлэг, мэдээлэл гарч, иргэд, олон нийтийн дунд эргэлзээ үүсгэж байгаад харамсаж байна.  

Үүсээд буй нөхцөл байдлыг эрх бүхий байгууллагаас холбогдох хууль тогтоомжид заасны дагуу хяналт, шалгалтын ажиллагааг цаг алдалгүй, шуурхай явуулахад дэмжлэг үзүүлэн, иргэд, олон нийтийг үнэн зөв, бодит мэдээллээр хангахад Шүүхийн ерөнхий зөвлөлөөс хамтран ажиллах болно.   

Харин дээр дурдсан мэдээ, мэдээллийг олж авсан, тараасан, цаашид тараах талаар удаа дараа мэдэгдэж байгаа нь хүнийг хууль бусаар мөрдсөн, тагнасан байж болзошгүйн зэрэгцээ эрх бүхий байгууллагаас эцэслэн шалгаж тогтоогоогүй мэдээ мэдээллийг зохион байгуулалттайгаар олон нийтэд түгээж байгаа үйлдэл нь нийт шүүгчдийн хараат бус байдалд халдаж байна гэж үзэж байна. 

Иймд дээрх үйлдэл нь Монгол Улсын Үндсэн хууль, Монгол Улсын нэгдэн орсон Олон улсын гэрээ, конвенц, Шүүхийн тухай хууль, Шүүгчийн эрх зүйн байдлын тухай хууль, Гүйцэтгэх ажлын тухай хууль болон бусад хууль тогтоомжийг зөрчсөн эсэхийг хүний эрхийн болон хууль хяналтын байгууллагад хандан шалгуулах болсныг мэдэгдье!  

ШҮҮХИЙН ЕРӨНХИЙ ЗӨВЛӨЛ

2021.02.23

1 сэтгэгдэл


comment image

Зочин - 2021-02-23

БИЧЛЭГ ХИЙЖ ТАРААДАГ ЯВДЛЫГ ГАНЦ ШҮҮХ ХЯНАДЛЫН БАЙГУУЛЛАГА ГЭЛТГҮЙ БУСАД БАЙГУУЛЛАГАЛ ГЭСЭН АНХААРЧ АВЧ ҮЗЭХ НЬ ЗӨВ .ХӨСҮТ-Н дарга цар тахлын үед ажлаа яаж сайруулах ард иргэдээ яах хамгаалах вэ гэхийн оронд хурал дээрээ нууц бичлэг хийгээд олон нийтийн сүлжээнд тараасан яваад байсан. Бичлэг хийж суугаа хүн чинь ажлаа сайруулах ямар арга хэмжээ авах талаар бодож суухуу.

139.5.218.191